Қиш фаслининг кириб келишига ҳам оз фурсат қолди. Тез орада қўлда бир чашка иссиқ какао билан илиқ адёл остида, тинчлик ва осойишталикда энг севимли китобни мутолаа қилиш истаги пайдо бўлади. Аммо бунгача амалга ошириш лозим бўлган бир қанча нарсалар бор. Wday нашри уларнинг 12 тасини ҳавола этди.
Музлаткич музини эритинг
Эскирган ҳамма нарсани ташлаш, жавонларни артиш ва ювиш, музлаткичдан музни эритиш — эҳтимол аввалроқ бунга вақт топилмагандир. Тартибга келтирилган музлаткич ичида қишки захира учун жой очилади. У ерда мева ва сабзавотларни янгидек сақлаш мумкин.
Ошхона шкафларини тартибга келтиринг
Узоқ вақт давомида ошхона шкафларида бир талай нарса йиғилади. Уларни тартибга келтириш ва айнан жавонларда сақлаш мумкин бўлган маҳсулотларни олиб келиш вақти келди. Натижада ёмғирли об-ҳавода харид учун кўп кўчага чиқишга ҳожат қолмайди.
Кабоб пишириладиган панжарани тозаланг
Қиш таътил ҳамда байрамлар олдидан табиат қўйнига чиқишга ҳозирлик кўриш лозим. Бунинг учун егулик тайёрланадиган жиҳозларни тозалаб, уларни саёҳатга олиб қўйиш керак. Акс ҳолда тозаланмаган буюмларга зарар етиши ёки ўзингизда тозалаш учун вақт топилмаслиги мумкин.
Деразаларни ювинг
Деразаларни ҳам ички, ҳам ташқи томондан ювиш тавсия этилади. Бу ишни айнан кузнинг булутли кунида амалга ошириш керак. Шундагина деразаларга қуёш нури тушиб, из қолдирмайди. Қолаверса, қишнинг қуёшсиз кунларида тоза деразалар уйни ёритиб туради.
Ёзги кийимларни ювинг
Ёзги кийимларни ювинг, қуритинг ва шкафнинг юқори қисмига қўйинг. Яқин орада улар сизга керак бўлмайди. Лекин уларни тозаламасдан олиб қўйиш кейинчалик айрим доғларнинг кетмаслигига олиб келади.
Сумкани тартибга келтиринг
Эски чеклар, узоқ вақтдан бери ёзмай қолган ручкалар, эскирган ширинлик ва сақичлар — ҳаммасидан воз кечиш керак. Аёллар сумкасидаги баъзи нарсаларни сақлаш одатда хавфли. Чунки унда ҳужжатлар учун жой, ҳамён, упа ва лаб бўёғи бўлиши табиий.
Одеял ва ёстиқларни қуёш нурига олиб чиқинг
Сўнгги қуёшли кунлардан унумли фойдаланиб қолиш керак. Одеял ва ёстиқ каби буюмларни қуёш нури тушадиган жойга чиқариш керак. Бу билан улардан йиғилиб қолган бактериялардан осонгина халос бўлиш мумкин. Қолаверса, салқин уйда нам тортганлари қуёш нурида қурийди.
Гиламни тозаланг
Гилам юзасини фақатгина супуриш эмас, балки унга йиғилган чанг ва кирларни астойдил тозалаш лозим. Бунинг учун махсус эритмалар ёрдам беради. Улар гиламни янги кўринишини тиклаш билан бирга, аллергия қўзғатувчи турли бактерияларни ҳам йўқ қилади.
Иситкич сотиб олинг
Қишгача иситкични чегирма билан топиш имконияти ҳали ҳам мавжуд. Аммо ушбу ишни қишда амалга ошириш эса қийинчилик туғдириши шубҳасиз.
Кичик таъмирлаш ишларини бажаринг
Томчилаётган жўмрак, ғичирлаган эшик, ёпиштириш керак бўлган нарса — кундузи ёруғлик етарли бўлганда ҳаммасини тузатиб қўйган маъқул. Ҳаво совигандан кейин уларни таъмирлаш бироз қийинлашиши, шунингдек, муаммолар катталашиши мумкин.
Тўқимачилик маҳсулотларини алмаштиринг
Кузга келиб, чойшаб, ёстиқ, пардаларни қалинроқ, қулайроқ ва иссиқроқларга алмаштириш керак. Бу хонани янада иссиқроқ қилишга ёрдам беради.
Гулларни кўчириб ўтказиш
Ташқаридаги гулларни совуқ урмаслиги учун уй ичида қулай ва шинам шароит яратиш керак. Шунингдек, хонаки гулларни турига қараб парваришлашни унутмаслик жуда ҳам муҳим. Акс ҳолда уларнинг нобуд бўлиши ҳеч гап эмас.
Изоҳ (0)