Ўзбекистонда илк бор ўсмирларнинг руҳий саломатлиги бўйича ўтказилган тадқиқот натижалари эълон қилинди. Бу ҳақда АОКАда ЮНИСЕФнинг Ўзбекистондаги ваколатхонаси раҳбари, Сенат аъзолари, ССВ ва ХТВ мутасаддилари иштирокида бўлиб ўтган матбуот анжуманида маълум қилинди.
ЮНИСЕФ ва ҳамкор ташкилотлар билан ўтказилган тадқиқотда республикадаги барча 14 та ҳудуддаги 299 та мактабнинг 22 854 нафар ўқувчиси иштирок этди. Тадқиқот орқали ўспиринларнинг эҳтиёжлари, уларнинг руҳий саломатлиги ва руҳий-ижтимоий фаровонлигига таъсир қилувчи мактаб билан боғлиқ омиллар ўрганилди.
Тадқиқот натижаларига кўра, ўқувчиларнинг 10 фоиздан кўпроғи билан ижтимоий мулоқот мавжуд эмас ва ажратиб қўйишлардан азият чекади, жумладан, ҳар 10 та ўқувчидан биттасида мактаб билан боғлиқлик ҳисси йўқ (8,7 фоиз), янада кўпроғи ўзини мактабнинг бир қисми сифатида кўрмайди (13,1 фоиз) ёки синфда ўзини ёлғиз сезади (16,7 фоиз).
Шунингдек, тақдим этилган далилларга кўра, республикадаги бирламчи бўғин соғлиқни сақлаш ходимлари (учдан икки қисмидан кўпи) стресс, ўткир безовталик, умидсизлик, чарчоқ, руҳий тушкунлик ва депрессияни бошдан кечиради.
Шу боис ЮНИСЕФ томонидан бирламчи бўғин тиббиёт ходимлари учун рақамли платформа ҳам тақдим этилди. У иш ҳажми ва стресснинг кўпайиши натижасидаги чарчашнинг олдини олиш ва бартараф этиш учун муҳим бўлган психологик ёрдам кўрсатишга мўлжалланган.
Изоҳ (0)