Тошкент вилоятида фуқаронинг Мажбурий ижро бюроси ходимига пичоқ кўтаргани акс этган видео тарқалганди. Ҳолат юзасидан бюро ахборот хизмати раҳбари Фаррух Тошпўлатов «Дарё»га изоҳ берди.
Бюронинг Тошкент тумани бўлими иш юритувида мавжуд бўлган Тошкент вилояти фуқаролик ишлари бўйича аппеляция судлов ҳайъатининг 2021 йилдаги ижро варақасига асосан, жавобгарлар Т.Ш., З.Д. ва З.Ш.ни даъвогар А.Н.га тегишли бўлган, Тошкент тумани «Оқтом» МФЙ, Бахмал кўчаси 24-уйдан бошқа турар жой бермаган ҳолда кўчириш белгиланган.
Мазкур ижро ҳужжати юзасидан ижро ҳаракатларини 2022 йил 22 октябрь куни соат 15:00 да амалга ошириш юзасидан талабномани тарафларга тақдим қилиш мақсадида 12 октябрь куни ундирувчи даъвогар А.Н.нинг ишончли вакили С.О. билан биргаликда қарздорнинг яшаш манзили — Тошкент тумани «Оқтом» МФЙ, Бахмал кўчасидаги уйларнинг бирига чиққан.
Ижро ҳужжатида кўрсатилган жавобгар тарафлар талабномани олишдан бош тортиб, даъвогарнинг ишончли вакили С.О.га пичоқ билан таҳдид ва ҳақорат қилган. Ушбу ҳолат юзасидан ундирувчининг ишончли вакили ички ишлар органларига мурожаат қилгани аниқланган.
Бюронинг Тошкент тумани бўлими давлат ижрочиси Х.Усмонов томонидан фуқаро ва бошқаларнинг ҳаётига хавф етмаслиги учун пичоқни олиб зарарсизлантиришга ҳаракат қилштган. Ижро ҳаракатлари бошқа кунга қолдирилган. Ҳозирда ушбу ҳолат бўйича текширув ишлари давом этмоқда ва натижаси маълум қилинади.
Изоҳ (0)