Навоий шаҳрида тадбиркорнинг маблағини фирибгарлик йўли билан қўлга киритган шахс аниқланди. Бу ҳақда Иқтисодий жиноятларга қарши курашиш департаменти хабар берди.
Қайд этилишича, Бош прокуратура ҳузуридаги департаментнинг Навоий шаҳри бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. Унда муқаддам фирибгарлик жинояти учун судланган Н.А. «I.Э.» хусусий корхонаси раҳбари Й.нинг ишончига кириб, унга аммофос минерал ўғитини олиб беришни ваъда қилиб, алдов йўли билан тадбиркорнинг 89,4 миллион сўмини қўлга киритгани аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
Изоҳ (0)