Болгария компанияси томонидан «Ўзкимёимпекс» МЧЖ ҳамда «БЖ Platinum Сп. з.о.о.» (Польша) компаниялари ўртасида шартнома мавжуд ёки мавжуд эмаслигини билиш мақсадида мурожаат қилинган. Маълум бўлишича, Болгария компанияси вакиллари билан суҳбат давомида уларга сохта шартнома ва товарларни жўнатиш учун сохта ҳисоб-фактуралари тақдим этилган.
Хабарга кўра, Болгария компанияси «БЖ Platinum Сп. з.о.о.» компаниясининг ҳисоб рақамига олдиндан тўловни ҳам амалга оширган. «Ўзкимёимпекс» МЧЖ ҳамда Польша компанияси ўртасида шартнома тузилмаган. Сабаби контрагентни текшириш мобайнида шартномани икки ёки ундан ортиқ компанияларга қайта сотиш каби фирибгарлик операциялари билан боғлиқ адолатсиз муносабатлар аниқланган. Шу билан бирга, «БЖ Platinum Сп. з.о.о.» компанияси кимёвий маҳсулот шартномаси учун ҳеч қачон пул тўламаган.
Шунингдек, айрим шахслар ўзини «Ўзкимёимпекс» МЧЖ вакили сифатида таништириб, маълум бир тўлов эвазига ўз хизматларини (консалтинг) таклиф қилиши ёки аккредитив сифатида хизмат кўрсатишни таклиф қилиш ҳолатлари тез-тез учраб турибди.
«Ўзкимёимпекс» МЧЖ кимёвий маҳсулотларни шартномада кўрсатилган жорий ҳисоб рақамига 100 фоиз олдиндан тўлов амалга оширилгандан сўнг етказиб беради. Шу муносабат билан «Ўзкимёимпекс» МЧЖ вакиллари билан фақатгина office@ukie.uz электрон манзили ёки +998909210400 телефон рақами орқали бевосита мулоқот қилишингиз тавсия қилинади, — дейилади хабарда.
Изоҳ (0)