Шавкат Мирзиёев Қозоғистонга амалий ташрифини якунлаб, Тошкентга қайтиб келди. Бу ҳақда президент матбуот хизмати хабар берди.
Шавкат Мирзиёев Қозоғистон президенти Қосим-Жўмарт Тўқаевнинг таклифига биноан 12-14 октябрь кунлари амалий ташриф билан Остона шаҳрида бўлди. 13 октябрь куни давлат раҳбари Осиёда ҳамкорлик ва ишонч чоралари бўйича кенгаш саммитида нутқ сўзлаб, савдо-иқтисодиёт, транспорт-логистика, экология, хавфсизлик соҳалари ва Афғонистон масаласи бўйича муҳим ташаббусларни илгари сурди.
14 октябрь куни МДҲ давлат раҳбарлари кенгаши мажлисида ташкилот доирасидаги кўп томонлама ҳамкорликни ривожлантириш, сиёсий, савдо-иқтисодий ва маданий-гуманитар соҳалардаги алоқаларни янада кенгайтириш масалалари кўриб чиқилди.
«Марказий Осиё – Россия» саммити ҳам бўлиб ўтди. Ташриф якунлангач, Остона халқаро аэропортида давлат раҳбарини Қозоғистон бош вазири Алихан Смаилов кузатиб қўйди. Президент Тошкентга қайтиб келди.
Изоҳ (0)