Ўзбекистон уруш кетаётган Украинада тиббий таълимни тўхтатишга мажбур бўлган ҳиндистонлик талабалар учун ўз тиббиёт институтларидан 2000 та ўрин ажратмоқда. Бу ҳақда Ўзбекистоннинг Ҳиндистондаги элчиси маълум қилди.
Ўзбекистон элчиси Дилшод Аҳатов Ҳиндистон ҳукумати сўровига жавобан маълум қилишича, Ўзбекистон Соғлиқни сақлаш вазирлигига қарашли Тиббиёт олий ўқув юртлари (ОТМ) томонидан Украинадан ҳиндистонлик талабаларни кўчириш учун 2000 та ўрин ажратилмоқда.
ОТМлар ўрта даромадли оилаларга мансуб талабаларни арзон бюджет асосида қабул қилиб, уларга сифатли таълим беради, ўқиш ва турар жой билан таъминлайди, деди элчи.
Элчининг таъкидлашича, Ўзбекистон ҳиндистонликларга тиббиёт бўйича иккита бакалавриат дастури: 6 йиллик Тиббиёт фанлари доктори даражаси ва 5+1 яъни 5 йиллик Тиббиёт ва жарроҳлик бакалавриати ҳамда бир йиллик стажировка билан таълим беради. Талабаларни FMGE/NEXT имтиҳонига тайёрлаш учун университетда катта замонавий инфратузилма, тегишли давлат касалхоналари ва клиникаларида кўп сонли ўқув ётоқлари, шунингдек, қўшимча таълим учун ҳинд ва чет эллик профессорлар мавжуд.
Элчи Бухоро давлат тиббиёт институти ва Тошкент тиббиёт академияси каби давлат олий тиббиёт муассасаларида ўтказилган суҳбатдан муваффақиятли ўтган талабаларга ўқишга қабул қилингани тўғрисидаги хатларни топширди.
Ўзбекистон ва Ҳайдаробод ўртасидаги Соғлиқни сақлаш алмашинуви дастури доирасида Соғлиқни сақлаш вазирлиги ўзбекистонлик жарроҳ ва шифокорларни AIG, Yashodha ва Medanta шифохоналарига бир ойлик дастурга юборди. Элчининг айтишича, коронавирус пандемияси ва можаролар туфайли дунё саломатлик, хавфсизлик ва тинчликка кўпроқ эътибор қаратмоқда, Ўзбекистон ҳам шу йўналишдан бориб, энг хавфсиз минтақага айланмоқда.
Изоҳ (0)