Ироқ парламенти Латиф Рашидни мамлакат президенти этиб сайлади, 162 депутат унинг номзодини қўллаб-қувватлади. Собиқ президент Барҳам Солиҳга эса 63 киши овоз берди.
Энди мамлакатда ҳукуматни шакллантириш бошланади.
Янги бош вазирликка номзод Муҳаммад ал-Суданий 30 кундан кейин ҳукуматни шакллантириши кутилмоқда.
Рашид аввал Ироқ сув хўжалиги вазири бўлиб ишлаган, шунингдек, «Курдистон ватанпарварлик иттифоқи» партиясининг вакили ҳам бўлган.
Ироқдаги коррупцияга қарши норозиликлар 2021 йил октябрь ойида мамлакатда муддатидан олдин парламент сайловларини ўтказишга сабаб бўлди. Бироқ, сиёсий блоклар ўртасида ҳукуматни шакллантириш механизмлари бўйича келишмовчиликлар туфайли сайланган парламент аъзолари ҳукумат туза олмади.
Изоҳ (0)