Ушбу машҳур сабзавотнинг абадий ёш бўлиб қолиш учун гидрация даражасини сақлаб туришга ёрдам бериши ростми? Нима учун бодрингни тунда истеъмол қилмаслик керак? Elle нашри қуйида ушбу саволларга жавоб берди.
Бодринг қовоқдошлар оиласининг аъзоси бўлиб, унинг пайдо бўлиши қовоқча ва қовун билан боғлиқ. Бундай машҳур сабзавот экини дори бўла олмайди, дейиш мумкин, аммо бодринг қадим замонлардан бери анъанавий ҳинд тиббиётида ишлатилган. Бироқ қадимги даврларда бодринг жуда заҳарли ҳам ҳисобланган, чунки у аччиқ бўлган. Шунинг учун у дори сифатида микроскопик дозаларда ишлатилган.
Қишлоқ хўжалигида бодринг бўйича олиб борилган тадқиқотларга қарамай, бу сабзавотнинг кимёвий ва терапевтик хусусияти ҳақида нисбатан кам илмий маълумотлар нашр этилган. Умумий маънода организмнинг улкан гидрациясидан ташқари, бодринг диабетга қарши ва антиоксидант фаолликка эга. Унинг янги шарбати терини озиқлантириш, совитиш ва тинчлантирувчи таъсирни таъминлаш ҳамда шишни камайтиришда фойдалидир.
Бодринг сув ўрнини босиши ростми?
Бу қисман рост. Ҳақиқатан ҳам бодринг туфайли зарур бўлган кунлик суюқликка қисман эга бўлиш мумкин. Чунки ҳар бир мева 95 фоиз сувдан иборат, бу нафақат организмнинг гидрациясини сақлаб қолишга, балки ортиқча суюқликни чиқариб ташлашга ва буйрак тошлари пайдо бўлишининг олдини олишга ёрдам беради. Шунинг учун тадқиқотчилар бодрингни иссиқда ёки машғулотдан сўнг дарҳол истеъмол қилишни тавсия қилади. Бодринг таркибида сув туфайли жуда кам калория, ёғ ва холестерин мавжуд. Бироқ бундай сувли композиция сабзавотнинг бошқа фойдали хусусиятларини камайтиради.
Бодринг саратон касаллигининг олдини олишга ёрдам берадими?
Олимлар бодрингдан бир нечта биологик фаол бирикмаларни, шу жумладан, кукурбитацинни ажратиб олди. Ушбу модда организмга атипик ҳужайраларни, яъни малигн ўсимтанинг шаклланишига олиб келиши мумкин бўлган ҳужайраларни йўқ қилишга ёрдам беради. Кукурбитацинни қабул қилишнинг асосий фойдаси саратондан ҳимоя қилишдир. Бироқ бу элементнинг битта ножўя таъсири бор — бу ошқозон билан боғлиқ муаммоси бор одамларда шишни келтириб чиқаради. Шунинг учун бодрингни, қоида тариқасида, ётишдан олдин истеъмол қилиш тавсия этилмайди.
Бодринг суякларни мустаҳкамлайдими?
Америкалик профессор ва клиник фармакология бўйича мутахассис Айк С. Аракелян ҳозирда бодрингни ўрганиш билан шуғулланадиган ва бир нечта илмий мақолалар чоп этган кам сонли кишилардан биридир. Мутахассиснинг фикрича, унда баъзи витаминлар сақланиб қолган. Мисол учун, К витамини суякларни мустаҳкамлигида алоҳида аҳамиятга эга. Бир дона ўртача бодрингда 8,5 микрограм К витамини мавжуд, аёлларга кунига 90 микрограмм, эркаклар эса 120 микрограмм истеъмол қилиш тавсия этилади.
Бодринг юрак саломатлиги учун фойдалими?
Америка юрак ассоциацияси одамларни кўпроқ клетчатка истеъмол қилишга ундайди, чунки бу холестерин тўпланиши ва натижада юрак-қон томир муаммоларининг олдини олишга ёрдам беради. Бодринг эса клетчатканинг ажойиб манбаидир.
Изоҳ (0)