Маълумки, кузда шамоллаш тез-тез учрайдиган ҳодисага айланади. Баъзида одамлар дори воситаларига мурожаат қилишни истамай, тузалиш учун халқ орасида оммалашган даволаш усулларини танлайди. Бироқ шифокорларнинг фикрига кўра, бу беморларнинг соғлиғини ёмонлаштириши ва янада жиддий оқибатларга олиб келиши мумкин, деб ёзади Harper’s Bazaar Kazakhstan.
Иссиқ қайнатилган картошкада ингаляция қилиш
Халқ табобатида йўталга қарши курашда энг кенг тарқалган воситалардан бири иссиқ қайнатилган картошка билан ингаляция қилишдир. Мутахассисларнинг таъкидлашича, бундай усул нафақат нафас олиш муаммоларини келтириб чиқариши, балки шиллиқ қаватларнинг куйдириши ҳам мумкин.
Хантал қоғози
Кўпчиликнинг яна бир севимли халқона даволаш усули — хантал қоғозлари. Аммо шифокорларнинг фикрига кўра, уларни тана ҳарорати кўтарилганда ишлатиш мумкин эмас. Қўллаш мумкин бўлган ягона ҳолат — узоқ давом этган бронхит. Лекин бу ҳолатда ҳам хантал қоғозлари фақат шифокор томонидан белгиланади.
Ёд чизиш
Шамоллашни ёд билан даволаш ҳам мутахассислар томонидан фойдасиз деб топилган. Ушбу усулнинг самарадорлиги тўғрисида ҳали ҳам илмий далиллар мавжуд эмас.
Бурун ва томоқни тузли эритма билан чайиш
Шифокорлар бурун ва томоқни тузли эритма билан чайишни даволаш сифатида тавсия этмайди. Ушбу усул фақат мутахассислар томонидан тайинланган дори воситалари билан биргаликда самара бериши мумкин.
Изоҳ (0)