Йил бошидан буён Ўзбекистондаги божхона тўловлари бўйича тушумлар ҳажми таҳлил қилинди. Бу ҳақда «Дарё»га Иқтисодий тадқиқотлар ва ислоҳотлар маркази хабар бермоқда.
Таҳлил қилинаётган даврда божхона тўловлари бўйича тушумлар ўтган йилнинг мос даврига нисбатан 40,3 фоизга ошди.
Божхона тушумларининг энг катта ўсиши Андижон (61,2 фоиз), Сирдарё (48 фоиз), Жиззах (45,8 фоиз), Хоразм (48,6 фоиз) вилоятларида, Қорақалпоғистон (56,9 фоиз) ва Тошкент шаҳрида (46,5 фоиз) кузатилди.
Таҳлилга кўра, божхона тўловларидан олинадиган даромаднинг ўсишига таъсир кўрсатган асосий омиллар 2022 йил январь—август ойларида импорт ҳажмининг ўтган йилнинг шу даврига нисбатан деярли 20 фоизга ошиши бўлди.
Аввалроқ бож ставкаси пасайтирилгач, енгил автомобиллар импорти кескин ошгани ҳақида хабар берилганди.
Изоҳ (0)