Рақамлар ошмоқда: 9 ойда тез ёрдамга қанча чақириқ келиб тушгани маълум қилинди

Соғлиқни сақлаш вазирлиги матбуот хизмати сўнгги 9 ойда тез ёрдам хизматига қанча чақириқ келиб тушгани бўйича маълумот берди.

2022 йилнинг январь—сентябрь ойларида мамлакатимиз бўйича тез ёрдамга жами 9 миллион 662 минг 689 та чақириқ келиб тушиб, ҳар 1000 нафар аҳолига ўртача 271 та мурожаат тўғри келди. Шундан 908 минг 592 нафар бемор шифохоналарга госпитализация қилинди, — дейди Республика тез тиббий ёрдам марказининг Тез тиббий ёрдам хизматини мувофиқлаштирувчи диспетчерлик маркази раҳбари Давлат Йўлдошев.

Энг кўп мурожаатлар:

• Фарғона вилоятида 1 миллион 123 минг 698 та (11,6 фоиз);
• Андижон вилоятида 1 миллион 39 минг 160 та (10,75 фоиз);
• Тошкент вилоятида 943 минг 865 та (9,77 фоиз);
• Тошкент шаҳрида 939 минг 144 та (9,72 фоиз);
• Наманган вилоятида 906 минг 52 та (9,38 фоиз) қайд этилган.