Raqamlar oshmoqda: 9 oyda tez yordamga qancha chaqiriq kelib tushgani ma’lum qilindi

Sog‘liqni saqlash vazirligi matbuot xizmati so‘nggi 9 oyda tez yordam xizmatiga qancha chaqiriq kelib tushgani bo‘yicha ma’lumot berdi.

2022-yilning yanvar—sentabr oylarida mamlakatimiz bo‘yicha tez yordamga jami 9 million 662 ming 689 ta chaqiriq kelib tushib, har 1000 nafar aholiga o‘rtacha 271 ta murojaat to‘g‘ri keldi. Shundan 908 ming 592 nafar bemor shifoxonalarga gospitalizatsiya qilindi, — deydi Respublika tez tibbiy yordam markazining Tez tibbiy yordam xizmatini muvofiqlashtiruvchi dispetcherlik markazi rahbari Davlat Yo‘ldoshev.

Eng ko‘p murojaatlar:

• Farg‘ona viloyatida 1 million 123 ming 698 ta (11,6 foiz);
• Andijon viloyatida 1 million 39 ming 160 ta (10,75 foiz);
• Toshkent viloyatida 943 ming 865 ta (9,77 foiz);
• Toshkent shahrida 939 ming 144 ta (9,72 foiz);
• Namangan viloyatida 906 ming 52 ta (9,38 foiz) qayd etilgan.