Россия Федерацияси Мудофаа вазирлиги Луганск вилояти ҳудудининг бир қисми устидан назорат йўқолганини тан олди, деб ёзади «Агенство Новости».
Россия Федерацияси Мудофаа вазирлиги 11 октябрь сешанба куни кундалик брифингда Украинадаги ҳарбий ҳаракатларнинг янгиланган харитасини намойиш этди. Бундан келиб чиқадики, Россия кучлари Луганск вилояти ҳудудининг бир қисми устидан назоратни йўқотган.
Агентлик Райгородок қишлоғидан жанубдаги ва Нововодяноэ қишлоғи атрофидаги ҳудудни Россия Федерацияси назорати остида деб белгилашни тўхтатди. Бир кун аввал бўлиб ўтган брифингда бу ҳудудлар Россия назорати остида эканлиги қайд этилган эди.
Надия, Грековка (2016 йилгача Петривске) ва Новоегоровка аҳоли пунктларининг ҳам бой берилгани ҳақида айтиш мумкин, улар Украина Қуролли кучлари томонидан озод қилингани ҳақида 9 октябрь, якшанба куни Луганск вилояти маъмурияти раҳбари Сергей Гайдай маълум қилган.
Ўша куни Гайдай Стелмаховка қишлоғини эгаллаб олганини эълон қилганди. Унинг Украина назорати остига ўтиши ҳақидаги маълумотни сунъий йўлдош тасвирлари таҳлилига асосланиб, Урушни ўрганиш институти (ISW) мутахассислари ҳам тасдиқлайди. Бироқ Россия Мудофаа вазирлиги сешанба куни бўлиб ўтган брифинг чоғида Украина Қуролли кучлари Стелмахивка йўналиши бўйича ҳужумга «муваффақиятсиз уриниш» қилганини айтди.
19 сентябрь куни Луганск маъмурияти раҳбари Украина ҳарбийлари Луганск вилоятидаги биринчи аҳоли пунктини озод қилганини маълум қилган эди. Озод қилинган ҳудуд Белгоровка ҳудуди бўлган.
Урушни ўрганиш институти (ISW) маълумотларига кўра, 10 октябрга келиб, Россия Луганск вилоятининг ғарбий қисмидаги 200 квадрат километрдан ортиқ майдон назоратини йўқотди.
Изоҳ (0)