«Росгидромет» Ўзбекистоннинг водий вилоятлари ва қисман Тошкент вилоятидан ташқари республиканинг катта қисмида октябрь ойи ҳарорати меъёрдан юқори бўлиш прогнозини берган.
«Ўзгидромет» мутахассиси Эркин Абдулаҳатовнинг ёзишича, унда ёғингарчилик бўйича Орол акваторияси қуруқ, республика марказий, шимоли-шарқий қисмлари ҳамда водий вилоятларида меъёрдан бироз кўп ёғин кутилишини маълум қилинган.
«Ўзгидромет»нинг ойлик ёғин бўйича прогноз кутилмалари ҳам шундай, аммо ҳарорат бўйича бироз фарқлар бор. Ҳозирча марказнинг ойнинг биринчи ярми қуруқ ўтиши тўғрисидаги прогноз хабари ўзини оқламоқда. Унинг прогнозларига кўра, ойнинг деярли ўрталарига қадар республикада яна ёғингарчилик кутилмайди. Ҳаво ҳарорати аста-секин юқорилаб боради.
«Ўзбекистонда янги иш ҳафтаси қуруқ, кундуз кунлари илиқ, кечалари бироз совуқроқ ҳароратлар остида ўтади. Ёғингарчилик кутилмайди. Кундуз кунлари енгил кийиниш, тунлари эса қалин кийим кийишга тўғри келади», — дейди мутахассис.
Изоҳ (0)