Қозоғистон Мудофаа вазирлиги КХШТ (Коллектив хавфсизлик шартномаси ташкилоти) ҳарбий машғулотлари якунланганидан сўнг Россия ва Беларусь қуролли кучлари Қозоғистон ҳудуди бўйлаб ҳаракатланишини маълум қилди, деб ёзмоқда Tengrinews.
26 сентябрдан 8 октябргача Жамбил ва Олмаота вилоятларида КХШТнинг «Ўзаро ҳамкорлик-2022», «Қидирув-2022», «Эшелон-2022» Тезкор ҳаракат коллектив кучлари иштирокида машғулотлар бўлиб ўтди.
Ушбу машғулотлар якунлангач, 8 октябрдан 15 октябргача бўлган муддатда ҳарбий эшелонлар Қозоғистон ҳудуди орқали доимий жойлаштириш пунктларига қайтади. Россия ва Беларусь Қуролли Кучларининг ҳарбий контингентлари мамлакатимиз ҳудуди орқали Қозоғистон темир йўллари билан аввал келишилган поездлар жадвали бўйича икки йўналишда: жанубдан шарққа ва ғарбга қараб ҳаракатланади, — дейилади вазирлик хабарида.Бундан ташқари, Қозоғистон Қуролли кучлари қўшинлари ва бўлинмалари мамлакат бўйлаб темир йўл ва ғилдиракли ҳарбий техникада ҳаракатланади.
Қозоғистон Мудофаа вазирлиги ушбу мавзудаги сохта хабарларга ишонмасликка ва фақат расмий маълумотлардан фойдаланишга чақирди.
Фуқаролардан ҳарбий техника ҳаракати ҳақидаги сохта хабарлар ва видеоларга муносабат билдирмасликни ва фақат расмий маълумот манбаларига ишонишни сўраймиз, — дея огоҳлантирди вазирлик.
Изоҳ (0)