XXI асрнинг энг нуфузли ва таниқли анимацион франшизаларидан бири бўлган “Шрек” анимацион фильми асосида янги лойиҳа суратга олинади. Бош қаҳрамоннинг энг яқин дўсти Эшакка бағишланган алоҳида фильм спин-офф сифатида тақим этилади. Бу ҳақда ушбу образга овоз берган актёр Эдди Mёрфи маълум қилди.
“Ижодий жамоа ажойиб ва кулгили сюжетни ёзиб тугатди. Мазкур спин-офф худди ‘Этик кийган мушук’ мультфильми каби бўлади. Фильмда эшакнинг рафиқаси, яъни аждаҳога айланган аёл ва ярим аждаҳо, ярим эшак фарзандлари ҳақидаги кичик воқеани ҳикоя қилади.
Биз эса ҳозирча ҳали ҳам ‘Шрек’нинг кейинги қисми устида ишлашни давом эттиряпмиз. Агар ҳаммаси режа бўйича кетса, сентябрда Эшак ҳақидаги фильмни суратга олишга киришамиз”, дейди Mёрфи.
Аввалроқ актёр “Шрек” анимацион фильмининг бешинчи қисми 2026 йилда чиқиши ҳақида сўзлаб берган эди. “Шрек” комедиясининг бешинчи қисми устида иш бошлагани ўтган йилнинг апрель ойида маълум бўлган эди.
Ҳозирда франшизанинг сўнгги мультфильми 2010 йилда чиққан “Шрек бир умрга” фильмидир. 2022 йилда “Этик кийган мушук” мультфильмининг давоми бўлган “Этик кийган мушук 2: Сўнгги тилак” премераси бўлиб ўтган.
Изоҳ (0)