Туркия Россия ва Ғарб ўртасида музокаралар ташкил этишни режалаштирмоқда. Бу ҳақда колумнист Озай Шендир «Milliyet» газетаси учун ёзган мақоласида маълум қилди. Унинг сўзларига кўра, тегишли ташаббус махсус каналлар орқали Вашингтонга етказилган.
Шендир Туркиянинг Украина бўйича Россия ва Ғарб ўртасида мулоқот ташкил этиш режасини эълон қилди ҳамда Анқара АҚШ, Франция, Германия ва Буюк Британияни музокараларда иштирок этишга таклиф қилмоқчилигини таъкидлади.
«Бу режа ҳозирча Ғарб пойтахтларининг барчаси эътиборига ҳавола қилинмаган, бироқ у муҳим ва хусусий каналлар орқали АҚШга етказилган. Вашингтондаги нуфузли шахсларнинг режа ҳақидаги дастлабки фикрлари жуда ижобий. Ягона савол шуки, бундай мулоқот учун Россиядан суҳбатдош топилармикан?», — дейди колумнист.
Журналистнинг қўшимча қилишича, Туркия Украина танловини ҳурмат қилади. Бундан ташқари, очиқ каналлар орқали Анқара тинчликка қайтишга ва тактик ядро қуролидан воз кечишга чақирмоқда.
«Туркия ҳам Киев, ҳам Москва билан мулоқот ўрната оладиган давлатдан бу мулоқотда натижага эришиш учун асосий рол ўйнайдиган давлатга айланмоқда. Яқин келажакда Ғарб ва Россия Туркия шарофати билан музокара столига ўтиришса, ҳайрон бўлмаслик керак», — дея хулоса қилди Шандир.
Изоҳ (0)