Картошка ва товуқ қиймасидан мазали егулик тайёрлаймиз

Картошка ва товуқ қиймасидан тайёрланадиган ушбу егулик мазали таъмга эга. Унга ўзингизга ёққан кўкатларни ҳам қўшишингиз мумкин.

Керакли масаллиқлар:

• картошка —  1 дона
• туз — таъбга кўра
• пиёз — 2 дона
• тухум — 2 дона
• ун — 3 қошиқ
• мурч — таъбга кўра
• товуқ қиймаси — 250 г
• ўсимлик ёғи — 2 қошиқ

1. Картошкани катта тишли қирғичдан ўтказиб, унга озгина туз қўшинг. Бир неча дақиқадан сўнг картошканинг сувини сиқиб олинг.
2. Битта пиёзни ҳам майдаланг ва ундан чиққан суюқликни тўкиб ташланг. Картошка билан аралаштириб, бир-икки дақиқага қолдиринг ва яна сиқиб олинг.
3. Картошкага тухум, ун, озгина туз ва мурч қўшинг ва яхшилаб аралаштиринг.
4. Иккинчи пиёзни ҳам майда қилиб тўғранг. Унга қийма, туз, мурч қўшинг ва яхшилаб аралаштириб олинг.
5. Ўсимлик ёғини ўртача оловда қиздириб олинг. Картошка аралашмасини товага солинг ва тенг равишда ёйинг. Устига қиймани қўшинг ва яна устидан картошкали қатламни ёйинг.
6. Картошкали егулик яхши қизариши учун уни ҳар томонидан 4-5 дақиқа қовуринг.
7. Қолган егуликларни ҳам шу тарзда пишириб олинг.

Мавзуга доир: 

• Долчинли мазали печенье тайёрлаймиз.
• Картошкали татарча егулик — кистиби тайёрлаймиз.
• Беш дақиқада тайёр бўладиган пишлоқли хачапури
• Бақлажондан нима тайёрлаш мумкин: Уй бекалари учун 5 хил ноодатий рецепт