AdMe нашри улар ўйнаган фильм кассада миллионлаб даромад келтирганига қарамай, унчалик катта бўлмаган гонорарга ҳам рози бўлган Голливуд кино юлдузлари ҳақида маълумот беради.
Жон Траволта Винсент Вега роли, «Жиноий асар»
Вега роли учун Жон Траволта 150 минг долларга суратга тушади. Фильмнинг тахминий бюджети 8 миллион долларни, бутун дунё бўйлаб касса тушумлари эса 213 миллион доллардан кўпроқни ташкил қилганини ҳисобга олсак, бу унчалик кўп эмас.
Силвестр Сталлоне Рокки Балбоа роли, «Рокки»
1976 йилда «Рокки» фильмининг 1-қисми учун Силвестр Сталлоне бор-йўғи 23 минг доллар олган. Бюджети 1 миллион доллардан кам бўлган фильм шу қадар муваффақиятга эришганки, у бутун дунё бўйлаб 117 миллион доллардан кўпроқ пул йиғган. 1990 йилда актёрга янада кўпроқ ҳақ тўланган — 15 миллион доллар.
Жон Хилл Донни Азофф роли, «Уолл-стритлик бўри»
Жон Хилл «Уолл-стритлик бўри» фильмида рол ўйнашни шунчалик орзу қилганки, 60 минг долларга рози бўлган. Таққослаш учун Леонардо Ди Каприо худди шу фильмдаги роли учун 10 миллион доллар олган. Гап шундаки, Хилл Мартин Скорсезе билан ишлашни орзу қилган, ҳатто бунинг учун ўзи пул тўлашга ҳам тайёр бўлган. Фильм бюджети 100 миллион долларни ташкил этади ва бутун дунё бўйлаб 392 миллион доллар йиғади.
Бенедикт Камбербетч Алан Тюринг роли, «Тақлид ўйини»
Бенедикт Камбербетч «Тақлид ўйини» фильмидаги бош роли учун 1,2 миллион доллар олиш билан бирга «Оскар»га ҳам номзод бўлади. Аммо фильм бюджети 14 миллион доллар бўлиб, жаҳон прокатида 233 миллион доллардан кўпроқ даромад келтиради. Бу кўрсаткичлар билан солиштирадиган бўлсак, актёрнинг бош рол учун гонарари унчалик кўп эмас.
Жонни Депп капитан Жек читтак роли, «Кариб денгизи қароқчилари: Қора марварид тавқилаънати»
Қароқчилар ҳақидаги биринчи фильми учун Жонни Депп 10 миллион доллар олади. Ўшанда картина бюджети 140 миллион долларни ташкил этган — бутун дунё бўйлаб касса йиғими эса 654 миллион доллар бўлган. 5-қисм — «Ўликлар эртак айтмайди» фильмида актёрнинг маоши 9 баробарга оширилади.
Харрисон Форд Хан Соло роли, «Юлдузлар жанги»
Харрисон Форд Хан Соло ролига тасдиқланганда таниқли актёр эмас эди. Бу роли учун у бор-йўғи 10 000 доллар олган. Бюджети 11 миллион доллар бўлган фильм дунёни забт этиб, 775 миллион доллар йиғган. Бироқ Форд бу ролни ёқтирмайди ва ҳатто Жорж Лукасдан Хан Солони сюжетдан олиб ташлашни сўрайди.
Опра Уинфри София ролида, «Бинафшаранг гуллар даласи»
Опра Уинфри ушбу фильмдаги иши учун 35 минг доллар олган ва унинг исми афишада ҳам кўрсатилмаган. Кейинчалик София роли учун у «Оскар»га номзод бўлади. Фильм бутун дунё бўйлаб 15 миллион долларлик бюджетда 98 миллион доллардан ортиқ даромад келтиради.
Райан Рейнолдс Дедпул роли, «Дедпул»
Райан Рейнолдс ёлланма аскар ҳақидаги биринчи фильмда бош ролни ўйнаш орқали 2 миллион доллар ишлаб олади, ўҳа вақтда бу унинг учун жуда кўп эди. Лекин бюджети 58 миллион доллардан ошмаган фильм катта муваффақиятга эришади ва жаҳон прокатида 782 миллион доллардан ошиб кетади. Бу фонда актёрнинг гонорари камтарона кўринади.
Кичик Роберт Дауни Тони Старк ролида, «Темир одам»
Кичик Роберт Дауни «Темир одам» сифатидаги биринчи ишини 500 000 доллар билан иш бошлаган. Фильм бюджети 140 миллион долларни ташкил этган, бутун дунё бўйлаб касса йиғими 585 миллион доллардан ошган. Темир одам дунёни қутқариб ҳалок бўладиган «Қасоскорлар: Финал» фильмида эса актёрга 80 миллион доллар тўланган.
Изоҳ (0)