Ўзбекистонда куз-қиш мавсуми учун 1806,3 километр ичимлик суви тармоқлари ва 1728 та насос ускунаси таъмирланди. Бу ҳақда АОКАда ўтказилган брифингда «Ўзсувтаъминот» АЖ ахборот хизмати раҳбари Акмал Муродов маълум қилди.
Қайд этилишича, бу йилги куз-мавсуми учун 40,8 миллиард сўм маблағ ҳисобидан жами 1815,3 километр ичимлик суви тармоқлари ҳамда 1689 та насос ускунасини жорий ва мукаммал таъмирлаш режалаштирилган. Ҳозирги кунга келиб 1806,3 километр ичимлик суви тармоқлари ва 1728 та насос ускуналари жорий таъмирланди.
Ичимлик суви тармоқлардаги авария ва носозликларни тезкорлик билан бартараф этиш учун ҳудудий сув таъминоти корхоналаридаги жами 527 та авария тиклаш бригадаларининг барчаси шай ҳолатга келтирилди. Барча сув таъминоти ва канализация хизмати кўрсатиш корхоналари ва иншоотлари кучайтирилган иш режимига ўтказилди.
Ягона 12-55 қисқа рақамли Call-маркази ҳамда ҳудудий сув таъминоти корхоналарининг диспетчерлик хизматлари 24/7 иш режимига ўтказилди.
Мавзуга доир: Куз-қиш мавсумига тайёргарлик учун ажратилган 2 трлн сўм қандай мақсадларга йўналтирилган?
Изоҳ (0)