Қорақалпоғистонда 2022 йилнинг ўтган тўққиз ойида содир бўлган ЙТҲлар оқибатида 82 нафар фуқаро вафот этган. 235 нафари тан жароҳати олган. Бу ҳақда «Дарё»га республика ИИВ ахборот хизмати хабар берди.
Маълум қилинишича, 2021 йилнинг худди шу даврида ҳудудда 315 та ЙТҲ содир бўлиб, 75 та ўлим ҳолати ва 240 жароҳат олиш қайд этилган.Шунингдек, 7 та ҳудуд — Нукус шаҳри, Тахиатош, Амударё, Қораўзак, Тўрткўл, Чимбой ва Бўзатов туманларида ЙТҲ сони камайган. 9 та туманда эса авариялар сони ошган. Жумладан, Берунийда ЙТҲ сони 41,3 фоизга, Кегейлида 70 фоизга, Қўнғиротда 26 фоизга, Мўйноқда 300 фоизга, Нукус туманида 9 фоизга, Тахтакўпирда 100 фоизга, Хўжайлида 26,3 фоизга, Шуманайда 25 фоизга ва Элликқалъа туманида 5 фоизга ўсган, — дейилади вазирлик ахборот хизмати хабарида.
Изоҳ (0)