Бугун,

  • USD 11095.31
  • RUB 173.84
  • EUR 10772.44

Марказий банк бошқарувининг 2022 йил 7 октябрдаги қарорига асосан «Туркистонбанк» ва «Hi-tech bank» хусусий банкларидан банк фаолиятини амалга ошириш ҳуқуқини берувчи лицензия чақириб олинди

Фото: «Review.uz»

Фото: «Review.uz»

«Туркистонбанк» активлар ҳажми бўйича Ўзбекистон банк тизимида 26-ўринни, «Hi-tech bank» эса 29-ўринни эгаллаган.

Иккала банк томонидан ҳам «Банклар ва банк фаолияти тўғрисида»ги қонуннинг 54 ва 77-моддаларида белгиланган қоидабузарликлар содир этилган:

  • банк активлари бўйича эҳтимолий йўқотишларга қарши етарлича захиранинг мавжуд эмаслиги;
  • регулятив капиталининг эллик фоизидан ортиқ миқдорда зарар кўрганлигини; 
  • банк хизматлари истеъмолчиларининг ҳуқуқлари ва қонуний манфаатлари бузилганлиги;
  • бухгалтерия ҳисобининг ҳисоботга оид маълумотлар бузилишига олиб келадиган ва банкнинг ҳақиқий молиявий аҳволини акс эттириш имконини бермайдиган қоидабузарликлар билан юритилганлиги;
  • банк фаолиятидаги қўпол қоидабузарликларни бартараф этиш тўғрисидаги Марказий банк кўрсатмаларининг белгиланган муддатда бажарилмаганлиги;
Таъкидланишича, жиддий қоидабузарлик учун Марказий банк томонидан жарима қўлланилганидан кейин худди шундай қоидабузарликни такроран содир этилганлиги сабабли Марказий банк бошқаруви ушбу қарорни қабул қилган.

Марказий банк бошқарувининг юқорида келтирилган қарорига асосан «Туркистонбанк» ва «Hi-tech bank»ни тугатиш комиссияси таркиби тайинланди.  

«Банклар ва банк фаолияти тўғрисида»ги Қонунга асосан банк ишларини бошқариш бўйича, шу жумладан, банк акциядорларининг умумий йиғилиши, кузатув кенгаши ва бошқаруви ваколатлари ушбу комиссияга ўтди.

Омонатчилар учун маълумот: 

«Туркистонбанк» ва «Hi-tech bank» омонатчиларининг барча маблағлари, 2 ойдан сўнг тўлиқ қайтарилади.

Аҳолига омонат маблағларини қайтариш Фуқароларнинг банклардаги омонатларини кафолатлаш фонди томонидан ушбу қонунда белгиланган тартибда амалга оширилади. 

Омонатларни қайтариш бўйича батафсил маълумотни Ўзбекистон Марказий банкининг 71-200-00-44, 71-236-75-24 ишонч телефонлари орқали олиш мумкин.

Изоҳ
Асосий янгиликлар
Маҳаллий
Ўзбекистонда 175 кишининг паспортига IMEI кодлари ноқонуний рўйхатдан ўтказилгани аниқланди
Дунё
Пабло Эскобар буйруғи билан портлатилган Boeing, «Невский экспресс» поездидаги теракт ва совет ҳукуматига қарши бошланган Слуцк қўзғолони. Кун хронологиясида 27 но...
Маҳаллий
Уй-рўзғор ишлари аёлларнинг иқтисодий фаоллигини туширади: Ўзбек аёлининг мартабага эришиш имкониятлари таҳлил қилинди