Бугунги кунда Ўзбекистонда кредит тизими такомиллашиб, унинг янги турлари кўпаймоқда. «Дарё» интернет нашри аҳолининг мазкур мавзу борасидаги фикрларини ўрганиш мақсадида кичик сўровнома ўтказди.
«Кредит олганман, лекин қайтиб олмасликка қарор қилдим. Устида фоизи бор. Ундан кўра пулни йиғиб, керакли нарсани кейинроқ олган маъқул. Фойдали томони пул йўқлигида имкониятингиз чекланиб қолмайди. Олиб ишлатишингиз мумкин. Лекин қўшимча яна пул тўлаш моддий томондан ноқулайлик туғдиради», — дейди қатнашчилардан бири.
Сўровнома иштирокчиларидан яна бири кредит олишдаги ҳужжатлар билан боғлиқ ноқулайликлар сабаб олишни хоҳламаганини таъкидлади.
«Кредит олишга талифлар бўлган, лекин олмаганман. Тадбиркор сифатида оламан деганда, қоғозбозлик, ҳужжат кўп сўраш бўлади. Мана шунақа нарсалари бор. Эълон ёки рекламаларда фақат паспорт керак дейилади, бироқ борганингиздан кейин қўшимча кўп нарсаларни сўрашади. Унча дахмаза билан олмаган маъқул, деган хулосага келиб қолдим», — дейди у.
Фикр билдирганларнинг баъзилари кредит олишнинг ижобий томонлари ҳақида айтиб ўтди.
«Фойдали томонлари бор. Масалан, пул кам пайтда фойдаланиб, кейин секин-секин тўлаш мумкин»
«Кредит бериш ҳозир жуда ҳам осон бўлди. Одамларнинг пули бўлмаса ҳам, бориб бемалол олса бўлади», — дейди сўровнома иштирокчиси.
Аввалроқ «Дарё»да Ўзбекистоннинг қайси ҳудудларига кўпроқ кредит берилаётгани ҳақида маълумот берилган эди.
Изоҳ (1)
Xa kiridit odamlarga yordam berish oʻrniga navarot axvolini qiyinlashtiradi kiridit foizlari yuqori darajada otlik maoshlar esa oast