Pagani Bulgari заргарлик уйи билан биргаликда ягона нусхада мавжуд бўлган ҳақиқий санъат асари — Nāgа гиперкарини тақдим этди, дея хабар бермоқда Tengri Auto.
Ўзининг нафис услуби билан танилган Bulgari ишлаб чиқариш жараёнига шу қадар чуқур кириб бордики, илгари ҳеч қандай автомобиль билан бундай даражада шуғулланилмаган эди. Салон безаклари, ускуналар панели элементлари, ҳатто шасси қисмларининг айримлари ҳам ҳақиқий олмослар билан безатилган.
-f9252ySf.avif)
Гиперкар ғояси ноёб автомобилларнинг мухлиси бўлган таиландлик Кимпхорнпрапега тегишли. У эстетика, рамзийлик ва техник мукаммалликни уйғунлаштириш вазифасини қўйган.
Nāgа номи Ҳиндистон ва Жанубий Осиё маданиятларида эъзозланадиган афсонавий илонга ишора қилади. Ушбу ғоя кузов дизайнида ўз аксини топган: углерод толали қоплама тангачага ўхшайди ва унинг тузилиши ёруғлик ҳамда кўриш бурчаги ўзгарганда “жонланади”.
Капот остида Pagani Imola Roadster’нинг “юраги” жойлашган: AMG томонидан ишлаб чиқилган 6 литрлик V12 қўш турбинали двигатель мавжуд.
У атиги 1260 килограмм оғирликда 838 от кучи ва 1100 Нм айланиш моментини ишлаб чиқаради. Максимал тезлик чекланган — соатига 350 километр.
-UDRVh0vt.avif)
Нархи ошкор этилмаган, бироқ мутахассисларнинг фикрича, у ўнлаб миллион долларлик чегарадан бемалол ўтиб кетиши мумкин.
Изоҳ (0)