Шавкат Мирзиёев Венгрияга ташрифини якунлаб, Тошкентга учиб кетди (фото)

Шавкат Мирзиёевнинг Венгрияга икки кунлик расмий ташрифи якунланди. Бу ҳақда президент матбуот хизмати хабар берди.

Қайд этилишича, ташриф давомида давлат раҳбари Венгрия президенти Каталин Новак билан учрашув ўтказди. Ушбу мамлакатнинг ишбилармон доиралари вакиллари билан Ўзбекистонда аниқ инвестиция лойиҳаларини амалга ошириш режалари кўриб чиқилди.

Бош вазир Виктор Орбан билан музокаралар бўлиб ўтди, уларнинг якунида салмоқли ҳужжатлар тўплами имзоланди.

Ташриф дастуридаги тадбирлар якунлангач, Ференс Лист номидаги халқаро аэропортда олий мартабали меҳмонни Венгрия иқтисодий ривожланиш вазири Мартон Над ва бошқа расмий шахслар кузатиб қўйди.

Биринчи борт Тошкентга учиб кетди.