Путин Украина ҳудудларини аннексия қилиш ҳақидаги қонунларни имзолади ва янги субъектлар раҳбарларини тайинлади

Россия президенти Владимир Путин ўзини ўзи республика деб эълон қилган Донецк ва Луганск халқ республикалари, шунингдек, босиб олинган Херсон ва Запорожье вилоятларининг «Россия Федерацияси таркибига кириши тўғрисидаги шартномаларни» ратификация қилувчи федерал қонунларни имзолади.

У, шунингдек, тўртта янги субъектнинг «Россия Федерациясига қабул қилиниши» тўғрисидаги федерал конституциявий қонунларни имзолади.

Путин Россиянинг янги субъектлари муваққат раҳбарларини ҳам тайинлади — ушбу лавозимларга Россияга қўшилишдан олдин мазкур ҳудудларни бошқарган маъмурият раҳбарлари тайинланди:

Денис Пушилин — ДХР раҳбари вазифасини бажарувчи;Леонид Пасечник — ЛХР раҳбари вазифасини бажарувчи;Владимир Салдо — Херсон вилояти губернатори вазифасини бажарувчи;Евгений Балицкий — Запорожье вилояти губернатори вазифасини бажарувчи этиб тайинланди.

3 октябрь куни давлат Думаси аннексия тўғрисидаги қонунларни қабул қилганди, эртаси куни уларни Федерация Кенгаши тасдиқлади. Буларнинг барчаси бир овоздан амалга оширилди.