«Дарё» интернет нашри Тошкент шаҳри ҳокимлиги қошидаги Жамоатчилик кенгаши билан биргаликда янги — «Маҳалла. Муаммо. Мулоҳаза» лойиҳасини бошлади. Кўрсатувнинг 1-сони меҳмони Расул Кушербаев автотураргоҳлар, шаҳарсозлик мавзусидаги муаммолар бўйича ўз фикрларини билдириб ўтди.
Олий Мажлис Қонунчилик палатаси депутатининг айтишича, автотураргоҳлар тақчиллиги, йўллардаги тирбандликларнинг олдини олиш учун хориж тажрибасидан фойдаланиш зарур.
Адашмасам, 4-5 йил олдин Қозоғистоннинг Остона шаҳрида бўлганимда диққатимни тортгани шундай бўлгандики, ҳар бир бинонинг таг қисми автоматик равишда машиналар учун тураргоҳ сифатида ишлатилар экан. Бу савдо мажмуаси бўладими, турар жойми, фарқи йўқ. Деярли ҳар бирининг тагида «парковка» бор эди.Баъзи пайтлар ҳайрон бўлардим кўчалар бўм-бўшлигини кўриб. «Машиналар қаерда?» деган савол туғиларди. Йўллари унақа кенг эмас, лекин автомашиналар учун жой бор.
Бундан ташқари, автотураргоҳ деганда доимий очиқ ерни тушунамиз. Йўқ, бу шарт эмас. Кўп қаватли бино ёки ернинг таг қисми ҳам бўлиши мумкин. Лекин бу бизнинг шаҳарсозлигимизда унчалик оммалашмаган.
Тадбиркорларга оғирлик қилади бу масала. Лекин янги савдо ва хизмат кўрсатиш объекти қурмоқчи бўлган шахсга мажбурий талаб қўйиш керак, фикримча. Ўша, бинонинг пастки қисмидан фойдаланиш масаласи. «Подвал»дан «парковка» сифатида фойдаланиш шарт бўлсин, — дейди Кушербаев.
Изоҳ (0)