Тошкент шаҳри Яшнобод туманидаги «Янги Ўзбекистон» боғи рўпарасида дарахтларнинг ёниб, кесиб кетилган ҳолати ҳақида Telegram’даги «Кушербаевга_мурожаат» каналида маълум қилинганди. Депутат Расул Кушербаевнинг хабар беришича, шаҳар прокуратураси ҳолатга муносабат билдирди.
Муносабатда айтилишича, Яшнобод туманидаги ушбу ҳудуд «Мусамухамедова-Джураева Дилфуза» фермер хўжалиги майдони бўлиб, унда жами 533 туп, шундан 2 туп ёнғоқ, 446 туп олхўри, 83 туп терак дарахтлари номаълум шахслар томонидан ёқиб юборилган.
Ҳолат юзасидан Яшнобод тумани прокуратураси томонидан Жиноят кодексининг 198-моддаси (экинзорларни, ўрмонларни, дарахтларни ёки бошқа ўсимликларни шикастлантириш ёхуд нобуд қилиш) 1-қисми билан жиноят иши қўзғатилган. Яшнобод тумани ИИО ФМБ тергов бўлими томонидан дастлабки тергов ҳаракатлари олиб борилмоқда.
Изоҳ (0)