Наманганда юридик техникум фойдаланишга топширилди. Бу ҳақда «Дарё» мухбири Азизбек Абдувалиев хабар бермоқда.
Наманган шаҳри марказида жойлашган техникум Адлия вазирлиги томонидан ажратилган 11 миллиард сўм маблағ эвазига қайта реконструкция қилинди.
Таълим маскани 600 ўринга мўлжалланган. Кенг ва ёруғ синф хоналари, фаоллар зали, IT ва ахборот-ресурс марказлари, «Юридик клиника», «Заковат» клуби, замонавий ошхона, йигит ва қизлар учун алоҳида ётоқхоналар, спортзал ва стадионда ёшлар учун барча шароитлар яратилган.
Эътиборли томони, техникумдаги хоналардан бирида суд зали ҳам мавжуд. Бу ерда бўлажак ҳуқуқшунослар назарий билимларини амалиётда cинаб кўришлари мумкин.
Юридик техникумни фойдаланишга топшириш маросимида Наманган вилояти ҳокими Шавкат Абдураззақов ва Адлия вазирининг ўринбосари Актам Муҳаммадиев иштирок этди.
Мавзуга доир: Ўзбекистонда юридик техникумларга кириш синовлари натижалари эълон қилинди
Изоҳ (0)