30 сентябрь куни Навоий кон-металлургия комбинатига қарашли «Ауминзо-Амантай» конида БелАЗ 7513 автосомасвали ёниб кетгани ҳақида хабар ижтимоий тармоқларда тарқалган эди. НКМК расмий сайти эса учун ҳодиса расмий муносабат билдирди.
«Компраматузб» телеграм каналида «Навоий кон-металлургия комбинатига қарашли «Ауминзо-Амантай» конида БелАЗ 7513 автосомасвали ёниб кетди, ҳайдовчи куйиш жароҳати олиб вафот этди» номли постига расмий муносабат.Шуни маълум қиламизки, «Марказий Амантой» конида тоғ жинсларни тўкиш учун ҳаракатланаётган вақтида БелАЗ русумли оғир юк кўтарувчи карер автоағдаргичининг олд чап қисмида ёнғин келиб чиққан. Натижада автоағдаргич ҳайдовчиси куйиш тан жароҳатини олган ва касалхонага етказилган. Шифокорларнинг кўрсатган тиббий ёрдами ва муолажаларига қарамасдан, олган жароҳати натижасида ҳайдовчи вафот этган.
Ўзбекистон Республикаси Вазирлар Маҳкамасининг «Ишлаб чиқаришдаги бахтсиз ҳодисаларни ва ходимлар саломатлигининг меҳнат вазифаларини бажариш билан боғлиқ бошқа хил зарарланишини текшириш ва ҳисобга олиш тўғрисидаги Низом»га асосан махсус текшириш комиссияси тузилган. Комиссия томонидан оқибати ўлим билан тугаган бахтсиз ҳодисани суриштирув ишлари олиб борилаётганини маълум қиламиз. Ўрганиш натижалари юзасидан қўшимча маълумот эълон қилинади.
«НКМК» АЖ матбуот хизмати
Изоҳ (0)