Суриянинг 10 та вилоятида вабо авж олди ва бутун мамлакат бўйлаб тарқалиб бормоқда, вазият хавотир уйғотяпти, дея маълум қилди Жаҳон соғлиқни сақлаш ташкилоти (ЖССТ)нинг Вабо ва эпидемик диарея касалликлари бўйича гуруҳи раҳбари Филипп Барбоза.
«28 сентябрь ҳолатига Сурия Соғлиқни сақлаш вазирлиги ўнта вилоятда вабо авж олганини маълум қилди, 426 кишида касаллик аниқланиб, шуларнинг 33 нафари вафот этган. Касаллик тарқалган ҳудудларда вазият ташвишга соладиган даражада тез ривожланмоқда ва янги-янги ҳудудларга тарқалмоқда», — деди у Женевада БМТ брифинги чоғида.
Аввалроқ Сурия ССВ кўпчилик ҳолларда беморларнинг ўлими улар тиббий муассасаларга жуда кеч мурожаат қилгани ёки сурункали касалликлардан азият чеккани билан боғлиқ бўлганини қайд этганди.
Шунингдек, ОАВларда пайдо бўлган хабарларга кўра, Идлиб вилоятидаги текширувлар доирасида оқова сувларда ва муз бўлаклари ишлаб чиқариш бўйича заводда вабо намуналари аниқланган, шундан кейин муассаса тезликда ёпиб ташланган. Нашрлар маълумотлари бўйича касаллик авж олишига Фрот дарёсидан сув олиниши сабаб бўлган бўлиши мумкин. Дарё кучли даражада ифлосланган бўлиб, аҳоли бевосита дарёнинг ўзидан ёки тоза сув сотишга мўлжалланган юк машиналари орқали ундан сув олади.
Вабонинг авж олиши кўп йиллар ичида биринчи марта кузатилмоқда.
Мавзуга доир:
- Ўзбекистонда вабо аниқлангани ҳақидаги хабарга изоҳ берилди
- Хитойда бубон вабоси билан касалланиш ҳолати қайд этилди
- Ўзбекистонда вабо касаллигининг четдан кириб келишини олдини олишда қандай чоралар кўрилаётгани маълум қилинди
- Афғонистон жанубида вабо касаллиги оқибатида бир кеча-кундузда 40 киши вафот этди
Изоҳ (0)