Украинанинг Херсон вилоятидаги оккупацион ҳукумат вакили Алексей Катериничев Украина Қуролли Кучларининг HIMARS баравар ўт очувчи реактив тизимидан берилган зарбалар оқибатида ҳалок бўлди. Бу ҳақда «ТАСС» мухбирига Херсоннинг Россия томонидан босиб олинган ҳудуди ҳарбий-фуқаролик маъмурияти раҳбари ўринбосари Кирилл Стремоусов маълум қилди.
Унинг сўзларига кўра, 30 сентябрга ўтар кечаси Херсон марказидаги Катериничев яшайдиган бинога иккита ракета келиб тушган.
Алексей Катериничев Херсоннинг Россия томонидан тайинланган маъмуриятида ҳукумат раҳбарининг биринчи ўринбосари бўлиб ишларди.
Россия Жамоатчилик палатаси маълумотларига кўра, Катериничев Херсон вилоятидаги лавозимида бир ярим ой ишлаган. Бунга қадар у 25 йил чегара қўшинлари ва Федерал хавфсилзик хизмати бўлинмаларида хизмат қилган. 2021 йилдан буён «Лидер» Махсус хавф остидаги қутқарув операциялари маркази раҳбарининг биринчи ўринбосари лавозимида ишлаб келаётган эди.
Мавзуга доир: Луганскдаги портлашда ЛХР бош прокурори ҳалок бўлди
Изоҳ (0)