Вашингтон Кук ва Ниуэ ороллари суверенитетини тан олишни режалаштирмоқда, деди АҚШ президенти Жо Байден АҚШ—Тинч океани ороллари қўшма саммитида.
Унинг сўзларига кўра, яқин ўн йилликлардаги жаҳон тарихининг боришини кўп жиҳатдан Осиё—Тинч океани минтақасидаги воқеалар белгилайди. Шу муносабат билан Қўшма Штатлар орол давлатлари ва у ерда жойлашган ҳудудлар билан ҳамкорликни оширишга интилмоқда.
«Тинч океанидаги хавфсизлик биз учун ҳам, умид қиламанки, сиз учун ҳам муҳим бўлиб қолмоқда. Американинг ҳамда бутун дунёнинг хавфсизлиги сизнинг хавфсизлигингизга ва Тинч океани ороллари хавфсизлигига боғлиқ», — деди Байден оролларини тан олиш қарори ҳақида.
Кук ва Ниуэ ороллари — Янги Зеландия билан эркин ассосиациялашган автоном давлатлар ҳисобланади. Гарчи ороллар ўз ички масалаларига ўзи жавобгар бўлса ҳам, мудофаа ва бошқа давлатлар билан муносабатлар Янги Зеландия ҳукумати томонидан амалга оширилади.
Изоҳ (0)