Андижон вилоятининг Бўстон туманида ИИБ ходимлари фермерни дўппослагани айтилмоқда. Бу ҳақда Олий Мажлис депутати Расул Кушербаев хабар берди.
«Кушербаевга мурожаат» Telegram-каналида ёзилишича, 2022 йилнинг 24 сентябрь куни Бўстон туманидаги «Баҳодир» фермер хўжалиги дала шийпонига бир гуруҳ ИИБ ходимлари, ниқобли ва қуролланган гуруҳ бостириб кириб, фермер хўжалиги бошлиғи ва аъзоларини қўрқитиб, тутқунликда ушлаб турган.
Фермер хўжалиги бошлиғи Б.Арабовнинг қорнига мушт тушириб, ҳақорат қилишди. Шийпон деворини қулатишди, ўзларини таништиришмади. Уларга Ички ишлар вазирлигидан келган ходим бошчилик қилди, у ҳам ўзини таништирмади. Зўравонлар шийпонда қанча пахта борлиги, нега кластерга топширилмаётгани, тезроқ топшириши кераклигини айтиб ваколатига кирмайдиган топшириқлар беришди, — дейди депутат Кушербаевга мурожаат қилган мурожаатчи.Мурожаатчилар ички ишлар вазиридан нажот кутаётганини айтган.
Адолат борми ўзи? Бу бўйича ички ишлар вазири Пўлат Бобожоновга йўллаган мурожаатимизни эълон қилишингизни сўраймиз. Тезроқ вазирга етиб борса қонунбузар, зўравон ходимларига чора кўрар эди, — дейди улар.Олий Мажлис депутати Расул Кушербаев ҳам воқеага шахсий муносабатини билдириб, «Вазиримиз вазиятни холис баҳолайдилар, деган умиддамиз», — дейди.
«Дарё» мухбири воқеа тафсилотларига аниқлик киритмоқда.
Изоҳ (0)