Oliy Majlis deputati Rasul Kusherbayev fuqaroni avvaliga bo‘g‘ib, so‘ngra tepkilagan IIB xodimlariga nisbatan oqlov hukmini chiqargan sud haqida fikr bildirib, “Yashasin odil sud” dedi. Bu haqda u o‘zining shaxsiy Telegram kanalida yozdi.
Sudlarimiz sud bo‘lmay qoldi, deganda nima nazarda tutilganini boshqalar ham tushunib borayotgan bo‘lsa kerak. Qiynoq, zo‘ravonlik”, — deydi deputat bu haqda fikr yuritar ekan.Chiroqchida o‘g‘rilikda gumon qilingan 32 yoshli fuqaroning IIB xodimlari tomonidan urib o‘ldirilishi O‘zbekistonda Ichki ishlar xodimlarining fuqarolarga zo‘ravonligining yaqqol namunasi sifatida tilga olinadi.
“Chiroqchi voqeasi” aybdorlari ishini ko‘rib chiqqan Oliy sud sudyasi Kamoliddin Tolliboyev raisligidagi sudlov hay’ati marhum Yusuf Abdurahmonov o‘limida ayblanganlar — Chiroqchi tumani IIO FMB 4-sonli IIB boshlig‘i lavozimida ishlagan Nurbek Ovlayevni 2 yil 6 oy IIB tizimida hamda boshqa mansabdorlik vazifalarida ishlash huquqidan mahrum qilib, 9 yilga ozodlikdan mahrum qilgandi. Chiroqchi tumani IIO FMB 4-sonli IIB jinoyat qidiruv guruhi tezkor vakili lavozimida ishlagan Anvar Jonqobilovni esa 2 yil IIBda hamda boshqa mansabdorlik vazifalarida ishlash huquqidan mahrum qilib, 8 yil 6 oyga qamagandi. Chiroqchi tumani IIO FMB 4-sonli IIB profilaktika inspektori lavozimida ishlagan Sherzod Rahmonov esa 2 yil IIBda hamda boshqa mansabdorlik vazifalarida ishlash huquqidan mahrum qilinib, unga 6 yil ozodlikdan mahrum qilish jazosi tayinlangandi. Profilaktika inspektori Adham Tojinorov ham 2 yil IIBda hamda boshqa mansabdorlik vazifalarida ishlash huquqidan mahrum qilinib, 5 yil 6 oyga ozodlikdan mahrum qilingandi. Chiroqchi tumani IIO FMB 4-sonli IIB jinoyat qidiruv guruhi tezkor vakili lavozimida ishlagan Boburmirzo G‘ayratovga esa 2 yil IIBda hamda boshqa mansabdorlik vazifalarida ishlash huquqidan mahrum qilinib, 4 yil ozodlikni cheklash jazosi tayinlangandi.
Ichki ishlar vazirligi axborot xizmati rahbari Shohrux G‘iyosov ikki nafar IIB xodimining zo‘ravonligi haqida ma’lumot berar ekan, ish Jinoyat ishlari bo‘yicha Farg‘ona viloyat sudida appelatsiya tartibida ko‘rib chiqilganini ma’lum qilgan.
Izoh (2)
Assalomu aleykum, men bir narsaga hayron qolyapman bundan sal kam yarim yil oldin meni yaqin qoshnim uchastka noziri bn gap tortishib bir shapaloq urganmi yoqmi xaligacha qamoqda saqlanayapdi sudi 2 marta boldi xali tugamadi agar ichki ishlarni ozgina turtip qoysa 6 oydayam sud tugamasayu bu ichki ishlar xodimlari oddiy fuqaroni ustiga chiqip sakrab tepkilab ikki kishilab ursayu oqlanib ketovrsa adolat qayerda qoladi xalq pista pochoqmi?
Gap yoo, qonun ishladi, ammo qani Surxondaryoliklarni o`zi og`zi shalloqi bo`ladimi deyman degan joyi, paxtakorlar ishlaringga omad. silliqlab obchiqish yarashouradi, Surxondaryoliklardan uzur so`rasin va o`zi ham javobgarlikka tortilsin