1 октябрь куни Берлинда «Ўзбекистонлик» биринчи ватандошлар форуми бўлиб ўтади. Форум доирасида дунё бўйлаб иқтидорли ўзбекларни бирлаштирувчи, ватандошлар ва ватан ўртасида кўприк бўладиган Uzbekistan’s Club янги лойиҳасига старт берилади.
Форумга Европадан ватандошлар, немис дипломатлари ва ишбилармонлари, шунингдек, Ўзбекистондан машҳур оммавий ахборот воситалари ва блогерлар делегацияси таклиф этилган.
Форум доирасида жаҳон ҳамжамиятининг эътиборини Оролбўйи минтақасига қаратишга мўлжалланган Арал Dream халқаро PR-дастурининг тақдимоти бўлиб ўтади.
Форумнинг асосий воқеаси — Uzbekistan’s Club ижодий жамоаси томонидан Германияда суратга олинган «Ўзбекистонлик» фильмининг иккинчи қисмининг премьераси бўлади. Фильмни YouTube ва «Менинг юртим» телеканалида 1 октябрь куни Тошкент вақти билан соат 21.00 да томоша қилиш мумкин.
Изоҳ (0)