Фарғонада фуқаро иссиқхона қуриш учун ажратилган ерни 35 минг долларга сотмоқчи бўлганида қўлга тушди

Фарғона шаҳрида ер майдони савдоси билан боғлиқ фирибгарлик ҳолати фош этилди, деб хабар бермоқда Бош прокуратура ҳузуридаги департамент.

Департаментнинг Фарғона шаҳар бўлими томонидан ИИБ ходимлари билан ҳамкорликда ўтказилган тезкор тадбирда, фуқаро Х.Н. бошқа бир фуқаро Б.С.га гўёки юқори лавозимда ишловчи танишлари ёрдамида «З.Ф.» МЧЖга гулчиликка ихтисослашган иссиқхона қуриш учун ажратиб берилган, 4,5 гектар ер майдонини 35 минг долларга сотишга келишиб, олдиндан 15 минг долларни олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.

Мавзуга доир:

• Тошкент вилоятида 1 гектар ерни 400 минг долларга сотмоқчи бўлганлар қўлга олинди
• Сирдарёда дарё қирғоғидаги 4,5 гектар ерни 240 минг долларга сотишга уринган шахслар ушланди