Бажарилмаган ишларни ҳужжатларга қўшиб ёзиш: 3 та ҳудудда мактаблар таъмирида миллиардлаб пуллар талон-торож қилинди

Андижон, Навоий ва Тошкент вилоятларидаги мактаблар таъмирида талон-торожликлар ҳолати аниқланди. Бу ҳақда Иқтисодий жиноятларга қарши курашиш департаменти хабар берди.

Таъкидланишича, Бош прокуратура ҳузуридаги департаментнинг ҳудудий бўлимлари томонидан ўтказилган терговга қадар текширувларда амалда бажарилмаган ишларни расмий ҳужжатларга қўшиб ёзиш орқали Булоқбоши тумани (Андижон вилояти)да «Т.Т.» МЧЖ томонидан 1,2 миллиард сўм, Томди тумани (Навоий вилояти)да «Н.О.» МЧЖ томонидан 316 миллион сўм ва Олмалиқ шаҳри (Тошкент вилояти)да «М.Е.» МЧЖ томонидан 306 миллион сўм талон-торож қилингани аниқланган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, тергов ҳаракатлари ўтказилмоқда.

Мавзуга доир:

• Бухорода собиқ ҳисобчи МЧЖнинг салкам 1 млрд сўмини талон-торож қилди
• Сурхондарёдаги туман тиббиёт бирлашмасида бюджетдан ажратилган пуллар талон-торож қилинди