Тошкент вилояти Бўстонлиқ туманида қалбаки пулларнинг муомалага киритилиши олди олинди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Бўстонлиқ туман бўлими томонидан ИИБ ходимлари билан ҳамкорликда тезкор тадбир ўтказилган. Унда фуқаролар М.А. ва Й.М. фойдаланувида бўлган Lacetti автотранспорт воситаси салони кўздан кечирилган. Натижада 52 дона 100 минг сўмлик, 19 дона 50 минг сўмлик ва 11 дона 200 минг сўмлик қалбаки купюралар борлиги аниқланиб, ашёвий далил сифатида олинган.
Мазкур ҳолат юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)