Бугун,

  • USD 11095.31
  • RUB 173.84
  • EUR 10772.44

Ўзбекистон ва Кувайт пойтахтлари ўртасида тўғридан-тўғри ҳаво қатновлари йўлга қўйилганига бир йил ўтганидан сўнг, Jazeera Airways компанияси Ўзбекистоннинг катталиги бўйича учинчи шаҳри бўлган Наманган йўналишида рейслар очилганини эълон қилди, деб хабар қилмоқда «Дунё» АА.

Авиакомпания янги йўналиш бўйича парвозларни ҳафтасига учта рейс билан — душанба, чоршанба, жума кунлари амалга оширишни режалаштирмоқда. Биринчи авиапарвоз 2022 йилнинг 30 сентябрь куни йўлга қўйилади.

Таъкидланишича, Кувайт билан Тошкент ва Наманган йўналишларида тўғридан-тўғри парвозларнинг амалга оширилиши икки мамлакат ўртасида савдо-иқтисодий, инвестициявий ва гуманитар ҳамкорликни янада ривожлантириш учун муҳимдир ҳамда республикамизга келаётган хорижий сайёҳларнинг сонини сезиларли ошишига хизмат қилади. Шу билан бирга, Ўзбекистонда ишлаб чиқарилаётган маҳсулотларнинг Кувайтга экспорти ҳажмини ошириш учун қулай имкониятлар яратади.

Ҳозирги пайтда Jazeera Airways билан Ал-Кувайт—Самарқанд—Ал-Кувайт йўналиши бўйича авиапарвозларни йўлга қўйиш масаласи ишлаб чиқилмоқда.

Jazeera Airways Наманган—Кувайт—Наманган йўналишида доимий рейсларни йўлга қўйишни режалаштираётгани ҳақида июнь ойида маълум бўлганди. «Мазкур йўналиш Наманган, умуман, водий аҳолисига Форс кўрфази давлатларига саёҳат қилиш учун имконият яратади. Қолаверса, умра сафарини амалга ошириш истагидаги зиёратчилар учун ҳам ўзига хос қулайликлар туғдиради», — деган эди авиакомпанияси вакили Илдар Абубакиров.

Маълумот учун, Jazeera Airways Кувайт миллий авиакомпанияси бўлиб, 2004 йилдан бери Покистон, Ҳиндистон, Шри-Ланка, Непал, Яқин Шарқ ва Европа давлатларига парвозларни амалга ошириб келмоқда. Ушбу авиакомпания 2021 йили Кувайт—Тошкент йўналиши бўйича рейсни ҳам йўлга қўйганди.

Изоҳ
Асосий янгиликлар
Дунё
Суриядаги курдлар Россиядан ҳудудларини ҳимоя қилишда ёрдам сўради
Маҳаллий
Ўзбекистонда 2023 йилда мева ва сабзавотлар нархи жиддий ўсиши кутилмоқда
Дунё
Ким Чен Ир топшириғи билан уюштирилган теракт, самолёт бошқариб ҳалокатга учраган «Формула-1» чемпиони ва немислар томонидан қатл этилган Космодемянская. Кун хроно...