БМТ содир бўлаётган ўзгаришларга самарали жавоб бериш учун ривожланиши керак. Бу ҳақда Ўзбекистон ташқи ишлар вазири Владимир Норов БМТ Бош ассамблеясининг 77-сессиясидаги нутқида айтиб ўтди.
Вазирнинг таъкидлашича, замонавий дунёда глобал даражадаги чуқур ишонч инқирози, барқарорлик ва хавфсизликка таҳдидларнинг кучайиши, геосиёсий қарама-қаршиликларнинг кескинлашуви ва блок тафаккурининг қайта тикланиши хавфи кузатилмоқда.
Қуролли тўқнашувлар дунёнинг турли бурчакларида кенгайиши ва кучайиши оқибатида ҳали пандемия оқибатларидан тикланишга улгурмаган халқаро савдо-иқтисодий алоқаларни беқарорлашмоқда. Озиқ-овқат ва энергия хавфсизлигини таъминлаш муаммолари янада оғир тус олмоқда.
Глобал иқлим ўзгариши, табиий ва сув ресурсларининг етишмаслиги, юқумли касалликлар тарқалиши можароларнинг кучайиши, гуманитар инқирозларнинг юзага келишига сабаб бўлиб, инсоният ҳаётига таҳдид солмоқда.
Бугунги шароитдан келиб чиққан ҳолда БМТнинг глобал ва минтақавий муаммоларни ҳал қилишдаги марказий ролини кучайтириш муҳим. Шу билан бирга, ташкилотнинг ўзи ҳам содир бўлаётган ўзгаришларга самарали жавоб бериш учун ривожланиши керак.
«Ҳеч бир мамлакат глобал хавф ва қийинчиликлардан қочиб қутула олмайди ёки уларни ёлғиз ўзи ҳал қила олмайди. Инқирозларнинг хавфли спиралидан чиқиш барча мамлакатлар манфаатларини ҳисобга олиш ва ҳурмат қилишга асосланган конструктив мулоқот ва кўп томонлама ҳамкорликда кўринади. Дунё янада барқарор, башорат қилинадиган ва гуллаб-яшнаши учун самарали халқаро ҳамкорлик зарур», — деб қайд этган Владимир Норов.
Мавзуга доир:
Изоҳ (0)