Бугун,

  • USD 11095.31
  • RUB 173.84
  • EUR 10772.44

АҚШ президенти Жо Байден Флорида штатига «Иэн» тропик бўрони яқинлашиб келаётгани муносабати билан фавқулодда ҳолат эълон қилиш ҳақидаги фармонни имзолади ва маҳаллий ҳокимиятларга федерал ёрдам кўрсатишни буюрди. Бу ҳақда Оқ уй матбуот хизмати хабар берди.

Фото: АПА

Фото: АПА

«Бугун президент Жо Байден Флорида штатида фавқулодда ҳолат эълон қилди ва ‘Иэн’ тропик бўрони туфайли юзага келадиган фавқулодда вазиятларга жавобан маҳаллий ҳокимиятларнинг саъй-ҳаракатларини тўлдириш учун федерал ёрдам кўрсатишни буюрди», — дейилади хабарда.

Байденнинг буйруғи Флорида ҳукуматига АҚШ Ички хавфсизлик департаменти ва Фавқулодда вазиятларни бошқариш бўйича федерал агентликдан ёрдам кўрсатишни назарда тутади.

Флорида — АҚШнинг жануби-шарқидаги штат, пойтахти Таллахасси шаҳри. Флоридадаги ўртача ёғингарчилик бошқа штатлардаги кўрсаткичдан юқори бўлади. Одатда, Флоридада ёмғирлар мавсум июль ойининг охиридан ноябрь ойининг бошигача давом этади, бўронлар эса кўпинча сентябрда келади.

«Иэн» тропик бўрони сал аввалроқ Атлантика океанида Ямайка орол-давлатидан 625 километр жануби-шарқда пайдо бўлган ва шимоли-ғарбга тахминан 18 км/соат тезликда ҳаракатланаётган эди. Бўрон ичида шамол тезлиги 18 м/с га етади.

АҚШнинг Довулларни кузатиш миллий маркази прогнозларига кўра, бўрон сабаб 26 сентябрга ўтар кечаси Кайман ороллари қирғоқларида сув сатҳи кўтарилиши мумкин. Ямайкада қирғоқларни сув босиши мумкин.

Изоҳ
Асосий янгиликлар
Дунё
Суриядаги курдлар Россиядан ҳудудларини ҳимоя қилишда ёрдам сўради
Маҳаллий
Ўзбекистонда 2023 йилда мева ва сабзавотлар нархи жиддий ўсиши кутилмоқда
Дунё
Ким Чен Ир топшириғи билан уюштирилган теракт, самолёт бошқариб ҳалокатга учраган «Формула-1» чемпиони ва немислар томонидан қатл этилган Космодемянская. Кун хроно...