Telegram асосчиси Павел Дуров бир кун аввал рус тилидаги қатор каналлар нега блоклангани юзасидан тушунтириш берди.
Унинг ёзишича, Telegram Apple сўровига биноан Беларусь билан боғлиқ бўлган, умумий сони 80 минг обуначига тенг бир нечта рус тилидаги каналларни блоклаган. Яна бир қанча шунга ўхшаш каналлар маъмурлари Telegram жамоасидан Apple сиёсатини бузаётганликлари ҳақида огоҳлантириш олган.
Канал админстраторлари бундай огоҳлантиришларни иложи борича жиддий қабул қилишлари ва йўл қўйилган қоидабузарликлар такрорланмаслиги учун ҳаракат қилишлари керак. Акс ҳолда, App Store ва Google Play орқали юклаб олинадиган Telegram версияларида уларнинг каналлари блокланади. Бошқа мобил иловаларга мурожаат қилинганда ҳам, бундай ҳаракатлар кириш чекловларидан қочишга ёрдам бермайди. Чунки Telegram каби бошқа ҳар қандай мобил иловадан ҳам қоидаларга риоя қилиш талаб қилинади.Кеча бир неча маротаба қоидабузарликдан сўнг ҳимоясиз одамларни отиб ташлашга чақирувчи рус тилидаги канални блоклашга мажбур бўлдик. Moderaторларимиз дастлаб ўша пост ҳақида канал маъмурларига мурожаат қилди. Бундай контентга йўл қўйилмаслиги ҳақида билдиришнома юборилгандан сўнг канал эгалари ўша хабарни ўзлари олган огоҳлантиришнинг скриншоти билан қайта жойлади. Telegram қоидаларида зўравонликка оммавий чақириқлар тақиқланади. Қоидаларни такрорий бузиш эса канални ўчириб ташлашга сабаб бўлади, — дейди Дуров.
Изоҳ (0)