Афғонистон пойтахти Кобулдаги масжид ёнида диндорлар жума намозини тарк этаётган пайтда портлаш содир бўлди, полиция қурбонлар борлигини тасдиқлади, деб хабар бермоқда Pajhwok агентлиги.
Портлаш шаҳарнинг дипломатик даҳасида юз берган, шундан кейин кўп ўтмай осмонга қуюқ тутун кўтарилиб, ўқ товушлари эшитилган.
Кобул полицияси вакили Халид Задран қурбонлар борлигини тасдиқлади, аммо уларнинг ва ярадорларнинг сонига аниқлик киритмади.
Воқеа жойига полициячилар гуруҳлари етиб бориб, текширув олиб бормоқда.
Афғонистонда масжидлар тез-тез, айниқса, жума кунлари ҳужумлар нишонига айланади.
Изоҳ (0)