Қозоғистон парламенти депутати Ойгул Куспан Россия Давлат думаси депутати Константин Затулиннинг Қозоғистонга нисбатан таҳдидли баёнотига изоҳ берди, деб ёзади “Zakon.kz”.
Ойгул Куспан Қозоғистон ва Россия ўртасида дипломатик муносабатлар ўрнатилганининг 30 йиллиги арафасида Давлат Думасининг МДҲ ишлари бўйича қўмитаси раисининг биринчи ўринбосари Константин Затулин Қозоғистонга нисбатан таҳдидли ва ҳақоратли баёнот берганини таъкидлади.
Афсуски, бундай депутатлар туфайли яқин хориждаги дўст Россия қиёфаси тажовузкорлик, такаббурлик ва жаҳолат сўзлари билан ёнма-ён таърифланади. Қозоқ ва бошқа миллатчилик ҳақидаги уйдирма мавзулардан фойдаланиб, бундай бадбахт сиёсатчилар Россиянинг ўз манфаатларига қарши бўлади. Затулиннинг янги баёнотини дўстона бўлмаган, моҳиятан юзаки ва асоссиз деб ҳисоблаш керак, — деди сиёсатчи.Куспан хонимнинг таъкидлашича, Россияда қисман сафарбарлик эълон қилингандан кейин биринчи куннинг ўзидаёқ Қозоғистонга 10 мингга яқин россиялик келган.
22 сентябрь куни Россия Давлат думаси депутати Константин Затулин «Қозоғистоннинг Россия билан муносабатларидаги сирпанчиқ йўл» ҳақида гапирган. У «Россия Федерацияси билан қуруқликдаги энг узун чегарага эга бўлган давлат (Қозоғистон) катта хавф остида», деб таъкидлаган.
Қозоғистонлик сенатор Мухтор Қул-Мухамеднинг айтишича, Затулин рейтинги тушиши билан провокацион баёнотлар беришни бошламоқда.
«Бизга йўл кўрсатишдан олдин, ўзини санкциялар рўйхатидан қандай чиқариш ҳақида ўйласин. ‘Қозоғистоннинг сирпанчиқ йўли’ ҳақида гапирган одамнинг ўзи анчадан буён сирпанчиқда юрибди», — деди у.
Изоҳ (0)