Бугун,

  • USD 11095.31
  • RUB 173.84
  • EUR 10772.44

Колонияда жазо ўтаётган россиялик сиёсатчи Алексей Навальний мамлакатда сафарбарлик эълон қилингани ҳақидаги хабарларга фикр билдирди.

Фото: AP Photo

Фото: AP Photo

«Мен бир нарсани тушунмаяпман. Армия — миллион киши, Миллий гвардия — 350 минг киши, Ички ишлар вазирлигида яна бир ярим-икки миллион, Федерал жазони ижро этиш хизматида ҳам қанча одам бор. Нега улар тинч аҳолини чақирмоқда? Яъни, беш миллион одам мамлакат бўйлаб уёқдан бу ёққа қочади. Бир миллион полициячи эса уларни қаергадир сафарбар қилиш учун ортидан қувади», — деди сиёсатчи.

«Айни пайтда, Ковров меҳнаткашлари, 30 ёшли эркаклар Херсон яқинига чақирилмоқда. Ҳаммаси даҳшатли. Менимча, (сафарбарликка) Москвадан чақирилмайди. Москвадан 50 000 одамни чақириб кўринг, эртасига уларнинг 150 000 қариндоши кўчада намойишга чиқади», — деб қўшимча қилди Навальний.

21 сентябрь куни Владимир Путин Россияда қисман сафарбарлик тўғрисидаги фармонни имзолади. Россия мудофаа вазири Сергей Шойгунинг сўзларига кўра, кампания доирасида Украинадаги урушга 300 минг захирадаги аскар чақирилади. Сафарбарлик аввал Қуролли кучларда хизмат қилган, ҳарбий мутахассислик ва жанговар тажрибага эга бўлганларга таллуқли бўлади.

Изоҳ
Асосий янгиликлар
Маҳаллий
Ўзбекистон энергетикаси: ортаётган талаб, тақчиллик ва кўрилаётган чоралар ҳақида
Дунё
Қирғизистонда 9 кишида “Цефтриаксон”га аллергик реакция кузатилди, бир киши вафот этди
Маҳаллий
Беш йилда 218 мингдан кўпроқ хонадон. Ўзбекистонда уй-жой муаммоси қандай ҳал этилмоқда?