Алишер Усмоновнинг Германиядаги уйлари тинтув қилинмоқда

Миллиардер Алишер Усмоновнинг Германиядаги бир нечта кўчмас мулк объектларида полиция ва солиқ органлари тинтув ўтказмоқда. Бу ҳақда Германиянинг Der Spiegel нашри хабар берди.

Тадбиркор солиқлар тўлашдан бош тортишда ва пул ювишда гумонланмоқда. Нашр маълумотларига кўра, сўнгги саккиз йил давомида олигарх қарийб 555 миллион евро қийматидаги солиқларни тўламаган.

«Рейднинг мақсади аввалроқ Усмоновга нисбатан ташқи савдо тўғрисидаги қонунни бузиш, пул ювиш ва солиқ тўлашдан бош тортиш гумонлари бўйича ёпиб юборилган ишларга оид далилларни қидиришдан иборат», — дейилади хабарда.

Аниқлик киритилишича, тергов бир неча давомида Усмонов ҳақида маълумот тўплаган. Айни пайтда полиция олигархнинг Бавариядаги уйида тинтув олиб бормоқда. Тезкор ҳаракатлар тадбиркорнинг Мюнхен яқинидаги Тегернзее кўлида жойлашган виллаларида ҳам ўтказилмоқда.

21 сентябрь куни Германия полицияси махсус топшириқли бўлинмалари Усмоновнинг Роттах-Эгерндаги яна учта уй-жойида тинтув ўтказиш учун ордерни қўлга киритган. Тафтишларда 250 нафар полиция ходими қатнашмоқда.

Украинада махсус операция бошланганидан кейин Евроиттифоқ россиялик миллиардерга қарши санкциялар киритганди. Айни пайтда, нашр маълумотларига кўра, Усмонов Ўзбекистонда бўлиб турибди. Германия Ўир жиноятлар ва уюшган жиноятчиликка қарши кураш бошқармаси банклардан пул ювиш гумонлари бўйича 100 га яқин ҳисобот тўплаган бўлиб, улар Усмоновнинг операцияларига алоқадорлиги айтилмоқда.

Бундан ташқари, 2014 йилдан 2022 йилгача бўлган даврда Усмонов жами 555 миллион еврога тенг даромад ва совға солиқларини тўламай келган. 2014 йилдан буён миллиардер асосан Тегернзее кўлида истиқомат қилган.

Аввалроқ Алишер Усмоновнинг синглиси ҳамда «Арсенал» футбол клубининг собиқ акциядори, Украинадаги урушга жавобан тузилган Европа Иттифоқининг санкциялар рўйхатидан ўчирилгани хабар берилган эди.

USM Holdings асосчиси, миллиардер Алишер Усмонов 28 февраль куни, Украинада Россия операцияси бошланганидан кейин тўрт кун ўтиб, Евроиттифоқ санкцияларига учраган эди. Бизнесмен Брюсселнинг бу қароридан норози бўлиб, май бошида Европа умумий юрисдиксия судига апелляция берди. У суддан апелляция бўйича якуний қарор қабул қилингунига қадар санкциялар амал қилишини тўхтатиб қўйишни сўради. Усмоновга қарши АҚШ, Канада, Буюк Британия ва Япония ҳам санкциялар киритган.

Май ойининг иккинчи ярмида Усмонов The Times газетаси талқини бўйича Буюк Британиянинг энг бадавлат одамлари ўнлигидан чиқиб кетди.