Ҳозирда Ўзбекистондаги 32 та банкдан фақат 25 таси хорижий валютада омонатлар таклиф этмоқда. Сентябрь ойида 1 йилгача ва ундан юқори муддатга хорижий валютадаги барча омонатлар бўйича ўртача фоиз ставкалар 4,4 фоизни ташкил этди.
Бугунги кунда Ўзагроэкспортбанк, «Савдогарбанк», «TBC Банк», «Тенге банк», «Даврбанк», «Равнақ банк», «Ҳи-теч банк» томонидан хорижий валютада омонатлар таклиф этилмаяпти.
Жисмоний шахсларга хорижий валютада таклиф этилаётган қулай, юқори фоизлар билан офлайн омонатлар бўйича Топ банклар орасидан жой эгаллаган банклар:
- «Турон банк» — фоиз ставкаси 5,7 фоиз, омонат муддати 12 ой, минимал миқдори 10 доллар;
- «Қишлоқ қурилиш банк» — фоиз ставкаси 5 фоиз, минимал миқдори 100 доллар, муддати 36 ой;
- «Анор банк» — фоиз ставкаси 5 фоиз, минимал миқдори 100 доллар, муддати 24 ой.
Категориялар бўйича, кейинги Топ банклар орасидан қуйидаги банклар жой эгаллаган:
«Trast банк» — фоиз ставкаси 5 фоиз, минимал миқдори 100 доллар, муддати 24 ой;«НБУ» — фоиз ставкаси 5 фоиз, муддати 18 ой, минимал қиймати 50 доллар.
Маълумотларга кўра, 32 банкнинг 11 тасида омонатлар бўйича фоиз ставкаси 5 фоиздан ошмайди.
Банклар томонидан хорижий валютада жисмоний шахсларга қулай офлайн омонатлар бўйича энг баланд ставкалар:
- «Турон банк» — 5,7 фоиз;
- «Ziraat bank — 5,5 фоиз;
- «Универсал банк» — 5,5 фоиз.
Энг паст ставка таклиф этаётган банклар:
- «Асака банк» — 2,8 фоиз;
- «Пойтахт банк» — 3 фоиз,
- «Orient Финанс Банк» — 3 фоиз;
- «Ипак йўли банк» — 3 фоиз ҳисобланади.
Аниқланишича баъзи банкларда омонатларни қисман ечиш йиллик фоиз ставкаларини ўзгаришига олиб келади.
Бундан ташқари, қуйидаги банклар: «Туркистон банк», «Эрон Содерот банк», «ЎзКДБ банк» томонидан омонатлар мижозлар билан келишилган ҳолда қабул қилинади.
Марказий банк маълумотларига кўра, июнь ойида тижорат банклари томонидан жисмоний шахслардан хорижий валютада жалб қилинган омонатлар 35,1 трлн сўмни ташкил этди.
Маълумотлар банкларнинг веб сайтларидан олинган бўлиб омонат шартлари ўзгариши мумкин.
Бундан ташқари, ҳозирда банклар онлайн омонат хизматларидан фойдаланиш имкониятини тақдим этмоқда.
Бошқа банкка тегишли банк картасига омонат очса бўладими?
Банкнинг мобил иловаси орқали бошқа банк картасидан онлайн омонат очиш имконияти мавжудлиги тўғрисида бевосита мобил илова, банкнинг расмий веб сайти ёки банк ходимларидан билса бўлади.
Агар маълум бир банкда омонат очиш имконияти фақат мижозларга тақдим этилса, шунчаки банк картасини очиб, унга пул маблағларини киритиш мумкин.
Мижозларга қулайлик яратиш мақсадида банклар картани масофавий очиш хизматини йўлга қўйган.
Бунинг учун банкнинг веб сайти ёки мобил иловаси ёрдамида ариза тўлдириб, шахсингизни тасдиқловчи ҳужжат (паспорт/ идентификация ID-картаси/ янги намунадаги ҳайдовчилик гувоҳномаси/ ҳарбий билет) расми юкланади.
Онлайн омонатлар учун фоизлар қандай ҳисобланади ва тўланади?
Онлайн омонатлар учун фоизлар оддий омонатларга ҳисобланганидек бўлади ҳамда пул банк картасига ёки мобил иловадаги электрон ҳамёнга ўтказилади. Фоизларни ҳисоб-китоб қилиш учун депозит калкуляторидан фойдаланиш керак.
Банкдаги барча омонатларни онлайн равишда очиш мумкинми?
Бу борада банклар сиёсати жуда хилма-хилдир — офлайн режимда очиладиган омонатларни ҳар доим ҳам онлайн тарзда очиш имконияти бўлмайди.
Онлайн омонатларни қайтариш қанчалик кафолатланган?
Онлайн омонатларни очишда хотиржам бўлиш мумкин, чунки улар омонатнинг ҳар қандай тури сингари, миқдори ва валютасидан қатъий назар, Ўзбекистон қонунларга мувофиқ кафолатланади.
Омонат билан боғлиқ муаммолар юзага келганда нима қилиш керак?
Онлайн омонатлар ва мобил иловалардан фойдаланиш билан боғлиқ муаммолар юзага келганда, хизмат кўрсатувчи банкнинг расмий веб сайтида кўрсатилган рақамлар орқали боғланиш мумкин бўлади.
Мақолада Марказий банкнинг «Finlit.uz» сайти ва Иқтисодий тадқиқотлар ва ислоҳотлар маркази маълумотларидан фойдаланилди.
Изоҳ (0)