Уганданинг Мубенде округида Эбола вирусидан келиб чиқадиган касалликнинг янги эпидемияси қайд этилди. Бу ҳақда мамлакат Соғлиқни сақлаш вазирлиги матбуот хизматига таяниб, «РБК» хабар берди.
«Касалликка чалиниш ҳолати Мубенде округидаги Нгабано қишлоғида яшовчи 24 ёшли эркакда тасдиқланди, унда Эбола белгилари бўлган, кейинроқ вафот этган», — дейилади хабарда.
Жаҳон соғлиқни сақлаш ташкилоти маълумотларига кўра, 2020 йилнинг август ойи охирига қадар Угандада жами тўртта Эбола эпидемияси қайд этилган: 2000, 2014, 2017 ва 2018 йилларда. Энг катта ва энг ҳалокатли эпидемия 2000 йилда бўлиб ўтган, унда 425 киши касалланиб, 224 киши вафот этган.
ЖССТ маълумотларига кўра, касалликнинг инкубация даври икки кундан 21 кунгача давом этади. Биринчи аломатлар — тўсатдан пайдо бўладиган иситма, мушак оғриғи, бош оғриғи ва томоқ оғриғи. Сўнг қусиш, ич кетиши, тошма, буйрак ва жигар фаолиятининг бузилиши, айрим ҳолларда ҳам ички, ҳам ташқи қон кетиши кузатилади.
Изоҳ (0)